قصيدة رائعة لمحمد بن فطيس (تويوتا)

[size=24]على اللي يقـرّب شـرّد الصيـد والقيعـان
ويبعد بمـن ضاقـت بـه الـدار مـن داره
وصنع للسما .. لكن تمالـو هـل اليابـان
وحطـوه سيـاره وهـو كــان طـيـاره
على الارض .. لكن مايغبطك يا بو جنحـان
اذا غطـك مسـيّـان تسريـبـه أنــواره
غرام البعيـد المنكـف العاشـق الولهـان
ومرام الغريب اللـي تضايـق مـن زراره
على القار .. ماتسمع هوى من ورى البيبان
ومع الرمل .. مايدخل مع الشنطـه غبـاره
اذا جاك سوّاقـه مايشكـي الجـزا تعبـان
وينعـس بركّـابـه اذا طــال مـشـواره
يحبـه فقيـر النـاس ويحبـه السلـطـان
ولاغيـره لراعـي المقانـيـص سـيـاره
ينـزّل هـواه ويجحـد الويـل والسيمـان
وياخـذ شهـر ماجـرّت يمينـه عـيـاره
وسومه من الشركه على الشبك والسّكّـان
وعلى شنطته وسم وعلـى مقدمـه شـاره
على راس حنية بانـس(ن) كنهـا نيشـان
تبسّـم لسواقـه سـواره علـى ســواره
تيوتـا ولا غيـره .. ولا يصغـر النيسـان
أن الله عليـه بمنحـة الستـر وسـتـاره
يسوقه بحيحي(ن) جايزن له وهـو طربـان
غرامه ولو كثر التعـب .. قضبـة الطـاره
ولـد راعـي الرملـه الا عـدّو الفرسـان
تنقّـاهـم بـيـن السيـايـر وأخـتــاره
مشينا من الدوحه نبـي طـارف الصّمـان
عن يمين حفر العتش مدري عـن يسـاره
نبي فيه من يِمدح ومدحـه علـى برهـان
كريم(ن) تساوق مدحـه النـاس وأذكـاره
أبو زايـد اللـي يفـرح بشوفـة الضيفـان
يعـرف الرجـال ويعطـي الرجـل مقـداره
أبو زايـد اللـي يذبـح الحيـل والحيـران
تضيّـع حسـاب دلال رسـلان بـوجـاره
عسى مجلسه عامر بربع وبأهـل وأخـوان
وعسى الله من جور القـدر والفقـر جـاره
وعسى خايع(ن) ترعا به أبله من الحيّـان
مزون(ن) رعدهـا لاأقبلـت كنهـا غـاره
وتاخـذ أسبوعيـن وثلاثـه وهــو ودّان
وياقـف ثمـان أيـام .. ويعـاوده تــاره
يعلّـه إليـن يفيـض وتسيّـل الـوديـان
ويشمس شهر .. ويشاف عشبـه ونـوّاره
ويشاف القطا يشرب على طـارف الغـدران
ويشـاف الحـزم خالـط خزامـاه صفّـاره
وهو وسطهـا ويبشـره راعـي الرعيـان
على فلانه حـوار وعلـى فلانـه حـواره
واذا داج فـي مثناتهـا يلـقـط الفقـعـان
ومن كثـره يبـدّي علـى صغـاره كبـاره
أنا امدح عشيق الطيب و أوفي له الميـزان
علومه بـذور الطيـب .. وأبياتـي ثمـاره
نصينـاه لا حاجـه ولا نشتـكـي ديّــان
رفيق و رفيـق(ن) مبطـي(ن) منـه وزاره
[center][/size

]

مشكووور اخوي كاهن الشرق وما قصرت