سعد علوش

يـا أنيقـه آسـف بشـده علـى هالحوسـه
غرفتي تشبـه كثيـر أوضاعـي iiالمحيوسـه
مـا توقعتـك أبـد بتجـيـن ! iiفاجأتيـنـي
ع العمـوم الله يحيّـي الطلّـه iiالمحـروسـه
وقّفـي لحظـات بيـن عيـونـي التعبـانـه
لين أرتّـب لـك أريكـة قلبـي iiالمشموسـه
واجلسي بيـن الزرايـر والحشـا iiالافريقـي
وائذني لي للبكي .. بيذاكـر معـاكِ iiدروسـه
شاعـرك .. فوضـاه علّمتـه يرتّـب iiحبّـه
أنتي .. ثمّ الحزن .. ثمّ دموعـه المحبوسـه
والدّموع اللي على وصلـي ووصلـك iiتنـزل
ترفـع بنزولـهـا أعلامـنـا iiالمنكـوسـه
هذا إنتي؟؟ ماني مصدّق .. ولا ني مكـذّب ii!!
آه مـن بـرد الجفـا ورياحـه المتـروسـه
وايه حنّا نـاس غيـر النـاس يـا iiحوريّـه
روسنا ما هيب لضعـاف البشـر iiمريوسـه
لي افترقنا نبتسـم ! ولـي التقينـا نبكـي ii!
ويـا فديـت جنوننـا واشياءنـا iiالمعكوسـه
مرحبـا .. ترحيبـة البـدو العزيـب iiالرحّـل
بالمطر .. لاوّل هشيـم الماحلـه iiالمعبوسـه
صح هذا انتـي ! وهـذا عطـرك iiالسمياكـي
وهذي بوهة وجهك اللي بالضحى iiمحموسـه
وهذي ربطة شعرك البيضا .. وذي خصلاتـه
كنّها في زيـت زيتـون الشفـق iiمغموسـه
وهذي الوانـك .. وهـذا المعطـف iiالعنّابـي
وهذي ساعة يـدّك المحظوظـه iiالمنحوسـه
لا هـي اللـي طالـت أصابعـك iiوتشابكهـا
ولا هي اللي قريبـه مـن عاتقـك iiوتبوسـه
وهذي مشيتك اللي من صغرك مـا iiغيّرتيهـا
هالبشـر يخجـل يضـر القـاع ولاّ iiيدوسـه
الجمـادات الـرذاذ .. تهمـس لا iiمرّيـتـي
مرحبـا يالناعـس المحشومـه الطاووسـه
قولي والله انك انتي معي ! مانـي مصـدّق ii!
لا تلوميـن الحـواس الشـرّد iiالمهـووسـه
كل ما غنـى لـي الغيّـد بصـوت iiمواصـل
شلّهـا قلبـي وركّبهـا عـلـى iiمنكـوسـه
صـورةٍ فـي البـال لـك معامـد iiاتخيّلهـا
أقرب احيانـاً مـن المحسوسـه iiالملموسـه
وانتي لو مـا كنتـي فيـدّي ولا كنتـي iiلـي
لحظتك عن عام .. كـل ليلـه مـع iiعوسـه
لانّـك الأفخـم إسـم .. والأبسـط انسانيّـه
ولانّك الوجه التقـي .. والطيبـه iiالمغروسـه
ولانّي أحبك محبة عمق .. مـا هـي iiنـزوه
أسمى من حب الجسد .. وللهـوى iiونجوسـه
يا أنيقه .. آسـف بشـدّه علـى هالحوسـه
لهجتي تشبـه كثيـر أوضاعـي iiالمحيوسـه
مـا سألتـك ليـه جيتينـي .. ولا iiضيّفتـك
ما ابي أخرّب على جـو الوصـل iiوطقوسـه
ليه جيتي؟ أسألك .. وانا اعـرف وش جابـك
طاب شجر الغـاب والحطّـاب قـرّب iiفوسـه
لا تقولين اني أرخصتك .. وانا ما iiارخصتـك
ولا تقوليـن اشتـراك المشتـري بفلـوسـه
ولا تقولين ان هالمـره .. هـي آخـر iiمـره
اتركي لـي حلـم بعـد احلامـي iiالميئوسـه
انا شاعر .. حلمه اللي سـوّا منّـه iiشاعـر
الذهـب والعالـم الجديـد .. دم iiضـروسـه
يا أنيقه .. لو خـذوك وسافـروا بـك iiعنـي
الارض صدري .. والسفر من قوسه ليا قوسه
ليت صيت الجد مـا ينفـع سخيـف iiاحفـاده
وليتها هالحيـن وان الكـل شـارب iiموسـه
وليت .. نقطـه نقطـه نقطـه نقطـه iiنقطـه
ما ابي أغلط في الزمـن والعالـم المنفوسـه
ما اعرف شو اقول .. ولا اعرف ايش iiاسوّي
الحزن .. طلّت من ابـواب الليالـي iiروسـه
انسي كل اللي حصـل هاللحظـة iiوضمّينـي
يا خسارة عمري اللـي راح ويـا iiناموسـه
والله ان امه دعت لـه تحـت بـاب iiالكعبـه
واحـدٍ حطّـك فـي بيتـه يالغـلا iiعروسـه