محمد بن فطيس (المقناص)

راع القنص مسجون وفراجه سهيل
وشلون ما يبغون شوفـه يشوقـه
اللي يعـدون الصقـاره iiغرابيـل
ما ذاقوا اللي فالصحـاري نذوقـه
انقوم صبح ونرقد من اول iiالليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب iiشروقـه
برض ٍ بها لبرق الدواغر iiمداهيل
قد مرها الوسمي وشافت iiبروقـه
نسيمها كن فيه من نكهـة iiالهيـل
يكفـخ بخفـاق ٍ قبضـه معلوقـه
ما شيف فيها الا ثر الصيد iiوالسيل
وخاطي ثر ٍ للـي يـدور iiلنوقـه
الصيد فيها لـه مـداس iiومقاييـل
كنك لها من كـل ديـره iiتسوقـه
وندوج بأشقر صافي الظهر iiوالذيل
مطروح قد ريشة ظهره محروقـه
له هيبة فالجـو قبـل iiالمحابيـل
فرخ العقاب ايخاشره في iiحقوقـه
على عيونه له قحوف ٍ iiمضاليـل
اقحوف شيخ ٍ تاج الامجاد iiفوقـه
يطلع وطلعه لا طلع.. طلع iiدربيل
زود ٍ على طلعه وطبعه.. iiلحوقـه
لاقفت تغرف الجو وتجر وتميـل
راع الحمامه دونهـا مـا iiيعوقـه
اذكر عليه اللي له الحول iiوالحيـل
الى اتقت من تحت ذيلـه iiاسبوقـه
اطياره ايخلـي المقافـي iiمقابيـل
ارماش عين اللي قذى العج iiموقـه
هاذي طراة العمر من دون iiتقليـل
بهواية اللي ذوقنـا غيـر iiذوقـه
وهذا اللي يحبب هل الطير iiبسهيل
وخوة رجال ٍ الخوى مـا تبوقـه
موجز عن المقناص ماهو iiبتفصيل
وكل ٍ يمدح ربح سوقـه iiبسوقـه