خليل الشبرمي

لــك جـزيـل التحـايـا والـثـنـا iiوالـســلام
مـن خليـل ابراهيـم النـاصـر iiالشبـرمـي


البـطـاقـة سـعــودي والقـبـيـلـه iiســنــام
ودار جـــدي سـمـيـرا ولتـمـيـم iiانـتـمـي


ربعي اللـي علـى الدجـال شـذرة iiحسـام
في صحيـح البخـاري واحمـد iiومسلمـي


وباختـصـار العـبـاره لا يـطـول الـكــلام
الـجـزيـره ثـــلاث اربـاعـهـا iiمـحـزمــي


وما اعتقـد مـن يهيـم بحـب ربعـه iiيـلام
كـــل حـــيٍ بـنـاسـه يـفـخــر iiويـحـتـمـي


الـرجـال مخـبـوره والـبـلـد بـــه iiنـظــام
لـو سمعـنـا هـديـر ولــو سمعـنـا iiرمــي


لطـول الارقـاب سيـف وللمناخـر iiخـزام
وللـكـبـود المـغـلـه خـنـجـرٍ iiحـضـرمــي


زان بــدع القـوافـي والطـريـق iiاستـقـام
غـــردي يالـحـمـام ويالـغـمـام iiارزمـــي


وياذلـولـي دفعـتـك بالـسـعـه iiوالـزحــام
زرفلـي فـوق صـدر الجاهـل iiودرهـمـي


مــا يـمـيـل الـشــداد ولانـفــك iiالـخـطـام
لـــو يـثــور الـكـتـام ودربـــك iiمـلـغـمـي


يــا عميـلـي تـوقـع واحــذر iiالاصـطـدام
حيـتـك ذيلـهـا والــراس تـحـت اقـدمــي


وانتبـه لا تـجـي بـيـن الفـضـا iiوالـظـلام
ننقش من الصخر وانت اكتب بمرسمي


وموتـرك دام دربـه بيـن جـرف iiوعـدام
انـتـبــه لـلـرديـتــر مـــــاه لا iiيـحـتـمــي


وكابتن الطايره لا قلـع والاجـوا iiعسـام
لا تــذكــر هــبــوط الـطـايــره يـنــدمــي


كـــل شـــيٍ لـــه الله لا يـهـيـنـك iiمــقــام
وحكمة الصمت حكمه والحكيـم iiابكمـي


الآ نـــام احتـرمـهـا تـحـتـرمـك iiالأنــــام
وان حقـرت الاوادم مـا احترمـك iiآدمـي


يا ابن الاجـواد جنـب عـن مـلام iiالعـلام
لا تـتـيـه البـصـيـره والـبـصـر iiينـعـمـي


يا ابن الاجواد صحصح لا يطول iiالمنام
وخـل الانـوار تـدخـل كهـفـك iiالمظلـمـي


العـن ابلـيـس وابـعـد يــا بعـيـد الـمـرام
السـلامـه غنـيـمـه حـــظ مـــن يسـلـمـي


وبنكنـا لا بغيـت الصـرف وقـت iiالـدوام
نـصـرف الشـيـك بالديـنـار والـدرهـمـي


ولا نـطـق الكلبـشـه دام الامـــر iiاتـهــام
لـيـن نلـقـا الدلـيـل وبصـمـة iiالمجـرمـي


من زرع تيـن شوكـي ماجنـا تيـن iiشـام
وبكْـرٍ الـعـام جـلـدت هالسـنـه iiترجـمـي


لا تـعـدى الـحـدود ولا تـعــض iiالـبـهـام
الله الـلــي بـخـلـقـه والـعـبــاد iiاعـلـمــي


ادمــح الاولــه وتـــروح بـــرد iiوســـلام
طعـنـي ابـعــد ولا تـنـبـش ولا iiتـردمــي


واعرف اني على العيّال شـرس iiانتقـام
وافـهـم اليـعـربـي واتـرجــم iiالأعـجـمـي


تكرم ديار لاجـل عيـون يـا ابـن iiالكـرام
وناس من شان نـاس اتقـدّر iiوتحشمـي


ومــن تـبـصـر تـعـلـم واللـيـالـي iiعـــلام
والـزمــن مـدرســه ودروس iiومعـلـمـي


والمواقـف تجـارب والعـرب مـا تـضـام
كــم غشـيـمٍ فـهـم لـوكـان مــا iiيفـهـمـي


قال انـا الذيـب الامعـط والخلايـق iiنعـام
وســن نـابـه وخـلـوه الـرجـال iiاثـرمــي


احـــذر الـعـاقـبـه والـعـاقـبـه iiبـالـخـتـام
تلـعـق الـدبــس والا تـجــرع iiالعلـقـمـي


وراعــي الـديـن لامـنـه نــوى iiالالـتـزام
ســدده قـصــد قـصــد ودفـعــه مـقـدمـي


وكـان راسـه عنيـد وبالخـطـا iiمستـهـام
يضـربـه بالصـفـات ويـشـرب القلـزمـي


ان حكيـنـا نـدمـنـا وان سكّـتـنـا iiحـــرام
تـايــه الـــراي لازم يــــردع iiويـلـجـمـي


ولجـمـيـع القـبـايـل بـالـفــواد iiاحــتــرام
واحـمــد الله تـعـالـى دامـنــي iiمسـلـمـي